مجموعة قصائد مكتوبة للسبي
1
للسبايا
تمنيت المنيه ولا اشوفج سبيه
بالشام اشدفنوا بالشام زينب لو دفنو آلام
تمنيت المنيه
_________________
آنه امج يبعد الروح احسبي آلامج وعدي
اجيتج والضلع مكسور وأثر سطره بوسط خدي
صاحت يمه شحجيلج وبيمن يالزجيه ابدي
مصاب حسين هدم حيلي وكسر ظهري وحك جدي
صدح صوت الزجيه عليج آنه اشبديه
كوم وما عدهم اسلام * زينب لو دفنو آلام
تمنيت المنيه
_______________
يمه آنه اجيت انشد وادور اعليج واتعثر
اهناك ابكربله اجيتج من صحتي الكلب وجر
همت بين الجثث يمه وعليج انده واتحير
وعثرت بجثه يازينب ثاريها لبو الأكبر
وبدموع الرزيه وهالدمعه جريه
صحت والجِفِن ما نام *** زينب لو دفنوا آلام
تمنيت المنيه
_______________
كل ابنيه ادريها سرها ايصير ويّه امها
لجن زينب يطشرها السبي وبس الحزن لمها
ذاك الي ضربها ابسوط وذاك الي يشتمها
وروس أخوتها فوك ارماح ظالم صار يقدمها
بحجار وأذيه سبوها آل اميه
وجرح الكلب ما يلتام *** زينب لو دفنوا آلام
تمنيت المنيه
_____________
برماد الخيم تلكين يزينب بالدليل آثار
جفي من اجيت اهناك طبع برماد ذيج النار
عن اصبع اخوج حسين ادوره آني بكترمن صار
يايمه الزمن غدار بينه ابلا ذنب من دار
الدهر وّجر عليه واصيح ابهالمسيه
خابت يايمه الأحلام *** زينب لو دفنوا آلام
تمنيت المنيه
____________
يريت الموت لون عجل وكبل هاليوم تمنيته
عساني ويّه اخوي حسين الجِفِن ياريت سديته
لو ويّه الكمر عباس موتي اوياه ياريته
ولا اشوف السبي والشام ولا ديوان طبيته
جم واحد صد ليه اتشمت يمه بيه
خوارج نعتونه الظلام *** زينب لو دفنوا آلام
تمنيت المنيه
_______________
خادم أهل البيت (ع)
زيد الحدراوي
ونسألكم الدعاء
مسير السبايا حدي زيد الحدراوي
منهي مثلي يامره اتعوف اهلها اموذره
للشام مجتوفه رحت وحسين نايم عالثره
***************************
آنه الرحت درب اليسر وآنه الحده ابظعني الشمر
آنه العفتهم أخوّتي عنهم مشيت ابلا فكر
آنه العقيله وانسبي ايصحولي اهلي ام الخدر
ياوسفه بالسوط انضرب ابجف الشمر وسفه انسطر
من مصابي وحسرتي سالت يخوتي دمعتي
منهو يخْبر كافلي ايكله بالصار وجره
منهي مثلي يامره....
***************************
ياوسفه ذلاني الزمن وآنه الجنت مّدللة
فوك الثره اهلي كضوا واجم جرح من كربله
عفت الكمر يم النهر واتحيرت بالعايله
وعبدالله مصيوب ابسهم نبلة غدر من حرمله
وامه تبجيله ابحزن كعدت اكبالي وتون
يازينب انصاب الطفل عبدالله كسروا خاطره
**************************
لمن رحت عفت الكلب لمن مشيت ابغربتي
عالمشرعه ويم النهر وعنهم خذتني ناكتي
وابالي كمت ارسم صور حرك الخيم واعبايتي
وابالي جن صورة رعب حركوا عليه خيمتي
حرت انظر للخيم لو أصدن للحرم
لو اباوع للعلم واني وحدي امحيره
*************************
بنتك سبيه ياعلي زينب مشت درب السبي
جن العقيله اتوجهت صوب الغري بت النبي
تشجي ياحيدر بجت كلها اصبري زينبي
نادت وسف يالمرتضى ادخل اديار اجنبي
تتباوع الوادم الي وآنه بتك ياعلي
بينه كلها اتشمتت وآنه مجتوفه تره
***************************
ونسألكم الدعاء
زيد الحدراوي
مصيبة = ماشفت مثل السبي
غريبة = عمتي والحادي اجنبي
آه لو گالوا سبيه
اصفگ اعله الحره اديه
****
هاكثر بالطف مصايب : اعيوني شافن
يوم هجموا والغرايب : خويه صاحن
تراكضن من الأجانب = بيه لاذن
گلبي هاي الساعة ذايب =حيرة حارن
خواتي = جلبن شفت ابعباتي
عصاتي = گمت احركها بجهاتي
وحاضِنه سكنة رقية
اصفگ اعله الحره اديه
****
اه يا اصعب قراري = يا رزية
اتخذته ودمعي جاري = هاي هيه
عمه ركضن للصحاري = بهل مسية
وانا خلّني ويناري = وجمرة بيه
اجوجن = عمه بسياط الغرب
لگوجن = لا ولي وحالي صعب
يالله ركضن هالمسية
اصفگ اعله الحره اديه
*****
يوم جابوا جم هزيله = للسبايه
ياهو لي رَكب العقيلة = كلفه هايه
جان عمي الما مثيله = بالبرايه
يشبج اجفوفه ودليله = بجتفه رايه
يغطي = برايته الرّفت امس
يفيي = للعقيلة امن الشمس
ضيعتنه الغاضرية
اصفگ اعله الحرة اديه
*****
انا سلّسلت الغريبة = وگيدتها
وتجري دمعات المصيبة = دم شفتها
گلبي ما يخلص نحيبه = واسمعتها
اتگول اخوي امنين اجيبه = واذكرتها
جفوفه = من نخته ام الخدر
اشوفه = شكثر دگ بيها الصدر
وسفة طاحن عالوطية
اصفگ اعله الحرة اديه
****
عمتي كل ماصد عليها : حيلي ينهد
سلسله وسفه بديها : ودمعه عالخد
بعد ماظل والي ليها : ويمها محد
آه يا جمرة سبيها : عيب تخمَد
حزنها : مثله ما مر ابشر
جفنها : من الدمع شفته انفطر
ما مصدگ عمتي هيه
اصفگ اعله الحره اديه
**
اه لو گالوا سبيه = تصب دمعتي
ماكو غير ام الرزية = يعني عمتي
ضيعتنه الغاضرية =يا غربتي
شفت ابوي اعله الوطية = وصاح اخيتي
سمعته = يوم مرونه الغرب
لخيته = تلوه ابوي اعله الترب
وحال ابوي اشسوه بيه
أصفگ اعله الحره اديه
****
وانا عالناگة بدمعتي = ويامن احچي
والشمر زيّد حسرتي = المنها اشچي
وسفة طگ ابسوط عمتي = وهيه تبجي
وصاح زينب ها صبرتي = هچي هچي
شحامي : متت ريت ولا شفت
كلامي : وسفة يا وسفة صحت
تصيح خويه الحگ عليه
اصفگ اعله الحره اديه
*****
قاسم المالكي
( أبوذيات )
زماني من خذه الخوان ........ود من
إلي وعيوني فاضن دمع......ودمن
امتوني من الضرب ورمن ......ودمن
انگطع جم سوط ياعباس بيه
******
على هونك يحادي الضعن ..دمعن
أبمشيك مو عيوني بألم ... ..دمعن
على الناگه اشوف ايطيح ..دم عين
شفت عباس باجي اشگد عليه
******
الصلب ذاب اعلحالي يخي مالان
وجروح الگلب من اللجم مالن
بناتك ويه نوگ السبي مالن
ومن الناگه جا طاحت رقيه
*******
وحگ إلما لگت بالعُمر .......... رَاحْات
وعلى جم غالي راح اصفگِت...راحْات
غريبه وعالهزّل للشام ............راحْات
بعد ذاك الدلال أمست سبيه
قاسم المالكي
آه زينب .. آه يا ام المصايب
آه زينب .. وسفه تحديج الأجانب
والگمر
عالرمح راسه ويدور اشما نظرتي
والگمر
تنزل ادموعه دمه لو خويه صحتي
آه زينب آه زينب
**
جان اسمج اعله من الشرف ومدللة حامي الحمه
زينب إذا شأتي بأمر عد عينج اتنادي السمه
ما لايگ اعليج السبي وانتي حبيبة فاطمة
يا وسفه رحتي اعله الهزل والكافل مضيعه الدمه
آه زينب ... من ركبتي اعله الهزيله
آه زينب ... بعد ما گالوا عقيله
والدمع
من جرى بحسره نزل فوگ الوطية
والدمع
شيّب ابيوم العده صاحوا سبيه
من تنسبي اربات الخدر جمره تشب وسط الگلب
ويم زينب ايصيح الشمر خوانج بقو فوگ الترب
جان الكفيل ايدگ صدر ابكل امر من ينطلب
ما تنخي عمها التنولي وتشبع هظم من تنضرب
آه زينب .. عينج اتشوف الرزية
آه زينب .. السوط من يلسع رقية
يا صبر
وهيه عالناگة وحبل ورمها اديها
يا صبر
وراس ابوها يبجي من يسمع بجيها
***
درب السبي ما ينحمل حر وعطش سوط وحبل
ومن ينظر اوجوه العده يرجف يظل گلب الطفل
مو وجه ابو الاكبر بعد ذاك الفره بضوا يهل
المنه ما يشبع نظر من النزف ذابل ذبل
آه زينب ... وذاك ابو وجه المنحه
آه زينب ... عالرمح بدمومه لنه
والرمح
الاجنبي لمن يدوره اعله السبوهن
والرمح
يبجن وينحب عليهن راس ابوهن
******
الما منسمع الها خبر مسبيه صارت والبعيد
بنظرة حقاره لو يصد حسباله من سوگ العبيد
بعده الظعن لا ما وصل وشام النوايب بيها عيد
عادت مصايب كربله الگلب الغريبه من جديد
آه زينب ..بين ديره وديره ظعنج
آه زينب .. وينشد المايدري عنج
الغرب
خبر واصلهم يلاگون اليطبهم
والغرب
لبسو اثياب الفرح دگو طبلهم
**
ليله ويطب ظعن اليتم وبس المدامع نازله
ونحر العليل ايصب دمه شمسويه بيه السلسله
وزينب تون ما غمضت وين اصبحت المدلله
وتسمع مره تلولي بهظم تنادي ينبلة حرمله
آه زينب ... ليله وحده اعله الخرابه
آه زينب ... ويبدي الشام ابعذابه
بت علي
مو غريبه الي انسبت لرض الغرايب
بت علي
يا گلب زينب تفطر بالمصايب
قاسم المالكي
مر عليه .. بويه نوملي رقية
مر عليه ..بداعة اعيون الزجية
ليله وحشه ومُظلمة
وغارت انجوم السمه
****
بويه اسكت يا يتيم
ويا يتيمه بهل ظلام
ما طفت نيران گلبي
من طفت نار الخيام
يا عبايه افرشها بويه
خده عالغبرة الينام
والرباب أسمع تلولي
يمه يا عبد الله نام
مهده خالي .. ونايم بحضن الوطية
مهده خالي .. اتشوفه بي من الرزية
وساعة ابنها تكلمه
****
بويه مر بكل يتيمة
لَوَن تسمعها تون
لو جمر ساحگ جدمها
لو مورم الها متن
لو تراجيها يبويه
جاريها امن الأذن
وعد رقية بويه كلهن
واثر سطرة اعله الجفن
من حزنها .. شاب ليل الغاضرية
من حزنها .. حسبتها مو رقية
عالأذن يابس دمه
*
بويه بس هليله اريدك
.وحشه وانا املوعه
اهناك عفت حسين مرمي
عفته وحده بمصرعه
وهاي يا بويه رقية
من الظلام امروعه
يا جفن هليله يَغمض
وجمر ينزل مدمعه
مو بعيده .. كربله عنك يوالي
مو بعيده .. شوف بويه اشلون حالي
گاعده ويا گايمه
*
يا يتيم الما حضرته
وما مسحت ادموعه اله
يالحنين اتگله انا
والدك وتقبله
بويه احضرني نخيتك
مو بعيده كربله
باجر اني الي اجيلك
على الناگه مسنلسلة
بالسناسل .. باجر اتگيد واجيلك
بالسناسل .. ياعلي بويه دخيلك
خاف جرحك ألجمه
*
آه يا ليل اعلهونك
مال منك معصبي
بعد ما بيه واگومن
احبي للتبجي حبي
عگب عباس الكفلنه
بويه يحرسنه اجنبي
والفجر لو طر علينه
نستعد اعله السبي
انا زينب .. المانشاف إلها خيال
انا زينب .. عشت كل عمري بدلال
عالدلال امعلمه
****
يا فجر باجر عذابي
ومحنتي وهظم الگلب
صعبه بت حيدر سبية
وللنجف تمشي وتطب
هم يفزعون الهواشم
لَمَن تاخذني الغرب
لو اروح بكل سهولة
ومن عله الناگه انضرب
خاف احشم .. والصدى يرجع عليه
خاف احشم .. وين اهل هاي السبية
اشلون ابقه بلا حمه
قاسم المالكي
صوت مكتوب
تعليق
